تربت: ایف سی کا آپریشن، 2 مغوی یمنی باشندے بازیاب، اسلحہ برآمد
کوئٹہ (بیورو رپورٹ) تربت کے علاقے میں فرنٹیئر کور بلوچستان نے سرچ آپریشن میں فائرنگ کے تبادلے کے بعد دو سال قبل اغوا ہونیوالے 2 مغوی یمنی باشندوں کو بازیاب کرکے اسلحہ قبضے میں لے لیا تاہم ملزم فرار ہوگئے۔ دونوں کو دو سال قبل کراچی سے اغواء کیا گیا تھا۔ منگچر کے علاقے سے اغواء ہونیوالے نوجوان جاوید کی نعش لیویز نے قبضے میں لے لی۔ خضدار کے علاقے میں تیز رفتار ٹرالر الٹنے سے 2 افراد نثار اور محمد اشرف جاں بحق ہوگئے۔
