لاہور (خبر نگار) گورنمنٹ کالج یونیورسٹی لاہور نے پی اے ایف اکیڈمی رسا لپور میں منعقدہ بین الکلیاتی مباحثہ جیت لیا۔  پاک فضائیہ کے سربراہ  ائیرچیف مارشل طاہر رفیق بٹ نے جیتنے والوں میں ٹرافیاں اور انعامات تقسیم کئے۔ 20 سے 23 نومبر کے دوران پی اے ایف اکیڈمی رسالپور میں منعقد ہونے والے مباحثے میں پاکستان بھر سے 33  نمایاں تعلیمی اداروں کے طلباء و طالبات شریک ہوئے۔ پاک فضائیہ کے سربراہ  ائیرچیف مارشل طاہر رفیق بٹ نے جیتنے والوں میں انعامات تقسیم کئے۔ انگلش میں پہلا انعام پاکستان ملٹری اکیڈمی کاکول کے کیڈٹ ارسلان کو دیا گیا جبکہ دوسرا انعام ملٹری کالج آف انجینئرنگ کے عمر منہاس نے جیتا۔ اردو مباحثہ میں پہلا انعام گورنمنٹ کالج یونیورسٹی لاہور کے خاقان ارشد نے حاصل کیا اور دوسرے انعام کے حقدار پنجاب یونیورسٹی  کے وہاب احمد ٹھہرے۔