ڈونیڈن(این این آئی) نیوزی لینڈ اور ویسٹ انڈیز کی کرکٹ ٹیموں کے درمیان پہلا ٹیسٹ (آج) منگل سے ڈونیڈن میں شروع ہوگا۔۔ ویسٹ انڈیز کی ٹیم دورہ کے دوران تین ٹیسٹ، پانچ ون ڈے اور دو ٹی 20 میچز کی سیریز کھیلے گی۔
 دونوں ٹیموں کے درمیان سیریز کا پہلا ٹیسٹ 3 سے 7 دسمبر تک ڈونیڈن میں کھیلا جائے گا۔ سیریز کا دوسرا ٹیسٹ 11 سے 15 دسمبر تک ویلنگٹن جبکہ تیسرا اور آخری ٹیسٹ 19 سے 23 دسمبر تک ہیملٹن میں کھیلا جائے گا۔ ون ڈے سیریز کا پہلا میچ 26 دسمبر کو آکلینڈ، دوسرا 29 دسمبر کو نیپئر، تیسرا یکم جنوری (2014) کو کوئنز ٹاﺅن، چوتھا 4 جنوری کو نیلسن جبکہ پانچواں اور آخری ون ڈے 8 جنوری کو ہیملٹن میں کھیلا جائے گا۔ دو ٹی 20 میچز پر مشتمل سیریز کا پہلا میچ 11 جنوری کو آکلینڈ اور دوسرا 15 جنوری کو ویلنگٹن میں کھیلا جائے گا۔واضح رہے کہ اس سے قبل ویسٹ انڈیز اور نیوزی لینڈ الیون کے درمیان کھیلا گیا تین روزہ ٹور میچ ہار جیت کے فیصلے کے بغیر ختم ہوگیا-