خضدار: سکول ٹیچر، لیویز اہلکار قتل، جوابی فائرنگ، 2 ڈاکو مارے گئے
کوئٹہ ( این این آئی+ آن لائن) ضلع خضدار میں مختلف واقعات میں اہلکار محمد حسن محمد ایوب موٹر سائیکل پر دفتر جا رہا تھا کہ کھنڈر روڈ پر تلوار چوک کے قریب ڈاکوئوں نے ان سے موٹر سائیکل چھیننے کی کوشش کی، مزاحمت پر فائرنگ کردی جس کے نتیجے میں لیویز اہلکار محمد ایوب موقع پر جاں بحق ہوگیا جبکہ دوسرا زخمی ہوگیا۔ لیویز کی جوابی فائرنگ سے 2ڈاکو ہلاک ہوگئے۔ دریں اثناء ضلع خضدار کی تحصیل زہری میں سانگھڑ سے تعلق رکھنے والے سکول ٹیچر ندیم مسیح کو نامعلوم افراد نے فائرنگ کرکے قتل کر دیا۔ دریں اثناء کوئٹہ کے علاقے بروری روڈ پر گاڑی میں نصب ریمورٹ کنڑول بم نہ پھٹ سکا تاہم ڈیٹونیٹر پھٹنے سے گاڑی میں آگ بھڑک اٹھی پولیس کے مطابق بروری روڈ تیسرے سٹاپ پر کھڑی گاڑی میں آگ بھڑک اٹھی۔ گاڑی میں اٹھارہ کلو دھماکہ خیز مواد نصب تھا۔
