لاہور (نامہ نگار) گجرپورہ کے علاقہ میں دس روز قبل سٹیل مل میں آتشزدگی سے جھلس کر زخمی ہونے والا تین بچوں کا باپ اصغر علی زخموں کی تاب نہ لاتے ہوئے دم توڑ گیا ہے۔ گجرپورہ میں واقع روشن سٹیل مل میں دس روز قبل آتشزدگی سے جھلس کر زخمی ہونے والا 35 سالہ مزدور اصغر علی میوہسپتال میں زیرعلاج تھا جہاں وہ گزشتہ روز زخموں کی تاب نہ لاتے ہوئے دم توڑ گیا۔ پولیس نے نعش پوسٹمارٹم کیلئے مردہ خانے جمع کرا دی ہے۔