راولپنڈی شیخوپورہ میں ڈینگی کی وبا قابو میں ہے، لاہور کے چند مخصوص علاقوں سے کیس رپورٹ ہو رہے ہیں: خواجہ سلمان رفیق
لاہور (کامرس رپورٹر) مشیر وزیراعلیٰ پنجاب برائے صحت خواجہ سلمان رفیق نے کہا ہے کہ راولپنڈی اورشیخوپورہ میں ڈینگی کی وباء قابو میں آچکی ہے جبکہ لاہور کے صرف چند مخصوص علاقوں سے ڈینگی کے کیس رپورٹ ہورہے ہیں۔انہوں نے متعلقہ حکام کو ہدایت کی کہ پورے شہر میں بھر پور ڈینگی سرویلنس کے بجائے فوری طورپر ہائی رسک یونین کونسلوں کی طرف توجہ فوکس کی جائے اور ڈینگی سرویلنس،فوگنگ اور انڈورسپرے انہی علاقوں میں کیا جائے تاکہ لاہور میں بھی جلداز جلد ڈینگی پر قابو پا یا جا سکے ۔
