اسلام آباد (این این آئی) سینٹ میں جنوبی افریقہ کے سابق صدر نیلسن منڈیلا کی وفات پر قائد ایوان راجہ ظفر الحق نے ان کے درجات کی بلندی کیلئے دعا کرائی۔ جمعہ کو سینٹ کے اجلاس میں قائد ایوان راجہ ظفر الحق نے تجویز دی کہ نیلسن منڈیلا کی وفات پر ان کیلئے دعائے مغفرت کی جائے ،جس کی چیئر مین سینٹ نیئر حسین بخاری نے اجازت دی بعد ازاں قائد ایوان راجہ ظفر الحق نے ایوان میں دعا کرائی کہ اس بندے نے اللہ کی مخلوق کیلئے خدمات سرانجام دیں اور تکالیف اٹھائیں اللہ ان کے درجات بلند کرے اور ہماری بھی اسی طریقے سے رہنمائی کرے۔