لیٹویا(سپورٹس ڈیسک )لیٹویا میں کھیلے جانے والی ورلڈ سنوکر چیمپئن شپ میں چین کے ژاﺅ ژنٹانگ نے محمد سجاد کو سیمی فائنل میں شکست دیکر فائنل کیلئے کوالیفائی کر لیا۔ پاکستانی کیوسٹ نے چینی حریف کیخلاف پہلے پانچ تین سے برتری حاصل کی تھی تاہم وہ اس کو برقرار نہ رکھ سکے۔ چینی کھلاڑی نے بیسٹ آف 13 پر مشتمل مقابلہ 7-5 سے جیت لیا۔ محمد سجاد نے سکاٹش کیوئیسٹ کو 0-6 سے شکست دے کر ورلڈ سنوکر چیمپئن شپ کے سیمی فائنل میں جگہ بنائی تھی۔ پری کوارٹر فائنل میں محمد سجاد نے اسرائیل کے شاہرروبرگ کو یکطرفہ مقابلے کے بعد ایک کے مقابلے میں پانچ فریمز سے شکست دی۔ اس سے قبل محمد سجاد نے مالٹا کے ڈنکن بیزینا کودلچسپ اورسنسنی خیزمقابلے کے بعد پانچ چارفریمزسیشکست دی تھی۔پاکستان کے دفاعی چیمپئین محمد آصف، عمران شہزاد اور شاہد آفتاب پہلے ایونٹ سے باہر ہوچکے ہیں۔