اسلام آباد (آئی این پی )ملک کے بالائی علاقوں میں برفباری کا سلسلہ وقفے وقفے سے جاری ،سردی کی شدت میں مزید اضافہ ہو گیا ۔
 محکمہ موسمیات  نے کہا ہے کہ گلگت بلتستان،کشمیر، مالاکنڈ، ہزارہ ڈویژن اور قبائلی علاقوں کے چند مقامات پر ہلکی بارش اور اور پہاڑوں پر برفباری کا امکان ہے۔ چترال میں سب ڈویژن مستوج اور گرم چشمہ میں برفباری کا سلسلہ ایک بار پھر شروع ہوگیا، جس کے بعد سرد ی بڑھ گئی  ۔ سندھ، پنجاب اور بلوچستان میں بھی سردی بڑھتی جارہی ہے۔