لاہور (سپورٹس رپورٹر) نویں ویمن فٹ بال چیمپئن شپ کا ٹائٹل دفاعی چیمپئن ینگ رائزنگ سٹار راولپنڈی نے جیت لیا۔مقررہ وقت کے اختتام پر کوئی ٹیم بھی گول نہ کر سکی جس کے بعد میچ کا فیصلہ پلنٹی ککس پر ہوا جس میں  ینگ رائزنگ سٹار  نے 2 کے مقابلے 4 گول سے ٹائیٹل اپنے نام کیا۔ اس سے قبل تیسری پوزیشن کے لئے کھیلے گئے میچ میں پاکستان آرمی کی ٹیم نے اسلام آباد فٹبال کلب کو  پلنٹی ککس پر 3 کے مقابلے 5 گول سے ہرا دیا۔ میچ کے دونوں ہاف کے اختتام پر دونوں ٹیموں نے ایک ایک گول کیا۔فیصلہ نہ ہونے پر دونوں ٹیموں کو 5,5  پلنٹی ککس ملیں جس میں آرمی نے اسلام آباد کلب کو دو گول سے ہرا دیا۔ اختتامی تقریب کے مہمانان خصوصی  پاکستان فٹ بال فیڈریشن وویمن ونگ کی چیر پرسن سینٹر روببینہ عرفان ،قومی کرکٹ ٹیم کے سابق کپتان عامر سہیل اور پنجاب فٹ بال فیڈریشن کے صدر ارشد خان لودھی  نے کھلاڑیوں میں انعامات تقسیم کئے۔