گوجرانوالہ (نمائندہ خصوصی) مالکن نے اہل خانہ کے ہمراہ کم سن گھریلو ملازمہ پر چوری کا الزام لگا کر پنکھے سے الٹا لٹکاکر تشدد کیا۔ محلہ نذیر پارک کے شریف کی بیوہ نے اپنی دس سالہ بیٹی نورین کو چار ماہ قبل کچا کھیالی روڈ پر ساجد نامی شخص کے گھر ملازمہ رکھوا دیا، گذشتہ روز گھر کی مالکن شمیم، صنعتکار ساجد اور اسکی والدہ نے دس سالہ نورین پر سونا چوری کا الزام لگا کر پنکھے سے الٹا لٹکا کر بدترین تشدد کیا اور سر کے بالوں سے پکڑ کر دیوار میں مارتے رہے۔ بچی کی حالت غیر ہونے پر ساجد اور شمیم اسکو اسکے گھر میں پھینک گئے، کم سن نورین کے اہل خانہ نے بچی کو طبی امداد کی فراہمی کے لیے ڈسٹرکٹ ہیڈ کوارٹر ہسپتال منتقل کر دیا جہاں ڈاکٹرز نے تشدد کی تصدیق کر دی۔ اطلاع ملنے پر تھانہ سبزی منڈی پولیس بھی موقع پر پہنچ گئی اور بچی پر ہونے والے تشدد کی تحقیقات شروع کر دیں۔
ملازمہ پر تشدد