لاہور (خصوصی نامہ نگار) قرآن ہاﺅس کے زیر اہتمام جماعت اسلامی بنگلہ دیش کے رہنما عبدالقادر ملا کی غائبانہ نماز جنازہ ادا کی گئی۔ اس موقع پر خطاب کرتے ہوئے ڈاکٹر پروفیسر خاور بٹ نے کہا کہ حسینہ واجد حکومت بھارتی ایما پر بنگلہ دیش سے پاکستان کے حامیوں کوختم کرنا چاہتی ہے۔ انہوں نے کہا کہ عبدالقادر ملا نے پاکستان کی خاطر جان دی ہے، وہ شہید پاکستان ہیں۔ انہوں نے کہا کہ ہماری حکومت کو بنگلہ دیشی سفیر سے احتجاج کرنا چاہئے تاکہ بنگلہ دیشی حکومت دیگر رہنماﺅں کو پھانسی دینے سے باز رہے۔