لاہور (خبر نگار) پی آئی اے سینئر سٹاف ایسوسی ایشن کے20 دسمبر کو ہونے والے الیکشن میں حصہ لینے والے پروگریسو الائنس گروپ نے پی آئی اے کی نج کاری کے خلاف احتجاج شروع کر دیا۔ اس سلسلے میں لاہور ایئر پورٹ پر پروگریسو گروپ کے صدر الیاس چودھری کی سربراہی میں ریلی نکالی گئی جس میں افسران کی اکثریت نے شرکت کی۔ ریلی پی آئی اے کمپلیکس سے شروع ہوئی اور کارگو سیکشن، لاہور ائر پورٹ ٹرمینل اور پی آئی اے ٹائون آفس میں اس کا اختتام ہوا۔ ریلی کے شرکاء سے خطاب کرتے ہوئے الیاس چودھری نے کہا کہ پی آئی اے کو نجکاری کی نہیں اچھی انتظامیہ کی ضرورت ہے۔