اسلام آباد (سٹاف رپورٹر) اہم دارالحکومتوں میں پاکستان کے نئے سفیروں کے تقرر کے فیصلے کئے گئے۔ دفتر خارجہ کے ذرائع کے مطابق جرمنی میں پاکستان کے سفیر عبدالباسط کو بھارت میں پاکستان کا نیا ہائی کمشنر مقرر کر دیا گیا۔ سید جاوید حسن کو ان کی جگہ جرمنی میں پاکستان کا نیا سفیر نامزد کیا گیا ہے۔ اسی طرح بیلجیئم کے لئے مس نغمانہ اے ہاشمی کو سفیر مقرر کرنے کا فیصلہ کیا گیا۔ برطانیہ میں پاکستان کے نئے ہائی کمشنر کی تقرری بدستور نہیں کی گئی۔ واضح رہے کہ دہلی میں پاکستان کے موجودہ ہائی کمشنر سلمان بشیر اپنی مدت تعیناتی مکمل کر کے جلد وطن واپس آ رہے ہیں، عبدالباسط ان کی جگہ لیں گے۔
سفیروں کی تقرری