لاڑکانہ + ڈیرہ مراد جمالی (نوائے وقت رپورٹ)  سندھ اور بلوچستان  کے مختلف  شہروں میں زلزلے  کے  جھٹکے  محسوس کئے گئے۔  نجی ٹی وی  کے  مطابق  سکھر،  نوشہرو فیروز، لاڑکانہ،  ڈیرہ مراد جمالی،  نصیر آباد،  خیرپور،  دادو، شکارپور، قمبر شہداد کوٹ، پڈعیدن،   جعفر آباد اور دیگر جگہوں  پر زلزلے  کے جھٹکے  محسوس کئے گئے۔  لوگوں میں خوف و ہراس پھیل گیا اور وہ کلمہ طیبہ  کا ورد کرتے  گھروں سے باہرنکل آئے، کسی نقصان کی اطلاع نہیں ملی۔  زلزلہ  پیما مرکز کے مطابق زلزلے کی شدت 5.7 ریکارڈ کی گئی۔