چمن + لورالائی (آن لائن +  نوائے وقت رپورٹ) گرلز کالج کے سامنے سکیورٹی فورسز کے گاڑی گزرتے ہی بم دھماکہ ہوا دھماکے میں ایک راہ گیر زخمی  ہو گیا جبکہ  فورسز کا قافلہ محفوظ رہا۔  دھماکے کی ذمہ داری کسی گروپ نے قبول نہیں کی۔  تفصیلات کے مطابق  سکیورٹی زون علاقے ریلوے روڈ پر واقع گرلز کالج کے مین گیٹ کے سامنے نامعلوم تخریب کاروں نے ایک موٹر سائیکل میں ریمورٹ کنٹرول بم نصب کیا تھا جس کے پھٹنے سے زوردار دھماکہ ہوا دھماکے میں ایک راہگیر زخمی ہوگیا جس کو فوری طور پر سول ہسپتال چمن منتقل کردیا گیا۔ دھماکے کی جگہ سے چند سیکنڈ پہلے سیکورٹی فورسز کی گاڑی گزر گئی،  پولیس ذرائع کے مطابق دھماکے میں ایک کلوگرام بارودی مواد استعمال ہوا دھماکے سے موٹر سائیکل مکمل طور پر تباہ ہوگیا دھماکہ کے بعد سکیورٹی فورسز نے علاقے کو گھیرے میں لے کر  سرچ آپریشن شروع  کردیا۔ بم دھماکہ کے تھوڑی دیر بعد چمن شہر کے مصروف ترین بازار سناتن روڈ میں  راکٹ  برآمد ہوا  جسے  ناکارہ بنا دیا گیا۔  علاوہ ازیں چنیاں علی زئی میں لورالائی 11 ہزار وولٹ کے 6 ٹاورز  پر بم دھماکے ہوئے دھماکوں  سے ٹاورز گر گئے جبکہ کئی ٹاورز پر بموں  کی اطلاع  پر انتظامیہ  اور  بی ڈی ایس نے بموں کو ناکارہ  بنا دیا۔