کراچی (آئی اےن پی)مقامی فصل کی آمد کے بعد سبزی منڈی میں سبزیوں کی قیمت میں نمایاں کمی ہوگئی ۔ صدر سبزی منڈی ایسوسی ایشن حآجی شاہجہان کے مطابق سبزی منڈی میں سبزیوں کی قیمتیں کم سطح پر آگئی ہیں۔ان کا کہنا تھا کہ مقامی فصل بڑے پیمانے پر آنے کے بعد پیاز، آلو اور ٹماٹر کی قیمت نمایاں کمی ہوگئی ۔ اس سبزی منڈی میں ٹماٹر کی قیمت بیس روپے فی کلو ہوگئی جبکہ آلو پچیس روپے فی کلو اور پیاز تیس روپے فی کلو میں فروخت ہورہا ہے۔