لاہور(کامرس رپورٹر) ٹائون شپ انڈسٹریز ایسوسی ایشن کے سالانہ انتخابات برائے سال 2014 میں ایگزیکٹو ممبران نے چودھری ظہیر احمد بھٹہ کو چیئرمین، میاں خرم الیاس کو سینئر وائس چیئرمین اور عامر عطا بخاری کو وائس چیئرمین منتخب کرلیا، نومنتخب چیئرمین چودھری ظہیراحمد بھٹہ اس سے قبل2010میں بھی چیئرمین ٹائون شپ انڈسٹریز ایسوسی ایشن خدمات سرانجام دے چکے ہیں ان کی سابقہ خدمات کو مدنظر رکھتے ہوئے ایگزیکٹو ممبران اور سابقہ چیئرمین نے انہیںمشترکہ طور پر 2014کیلئے نیا چیئرمین منتخب کرلیا ۔انتخابات میں فرید علی بابر، زین انور چاولہ، سہیل اکبر، انجینئر خرم قمر، عدیل فاروق بٹ شامل بلامقابلہ ایگزیکٹو ممبران منتخب ہوئے ہیں ۔