لاہور(سپورٹس رپورٹر) 60 ویں نیشنل بنک قومی ہاکی چیمپئن شپ 2013ء میں مزید دو میچوں کا فیصلہ ہو گیا۔ پی آئی اے نے آرمی کو دو صفر سے ہر ا کر پول اے میںجبکہ واپڈا نے ہائر ایجوکیشن کمشن کو 5 کے مقابلے 8 گول سے ہرا کر پول بی میں پہلی اول پوزیشن حاصل کر لی۔ جوہر ہاکی سٹیڈیم لاہور میں جاری چیمپئن شپ میں گذشتہ روز ہونے والے مقابلوں کے بعد  پول اے  میںپی آئی اے 9 پوائنٹس کے ساتھ سرفہرست ہے جبکہ نیشنل بنک 6پوائنٹس کے ساتھ دوسرے اور آرمی 3پوائنٹس  کے ساتھ تیسرے نمبر پر موجود ہے اسطرح پول بی میں واپڈا 12 پوائنٹس کے ساتھ اول،سوئی گیس کی ٹیم 6 پوائنٹس کے ساتھ دوسرے جبکہ پی کیو اے 1 پوائنٹ کے ساتھ تیسری پوزیشن پر موجود ہے۔ چیمپئن شپ میں آج پی آئی اے کا مقابلہ نیوی،پولیس کا مقابلہ ہائر ایجوکیشن کمشن سے جبکہ سوئی گیس کی ٹیم پی اے کیو کے مدمقابل ہو گی۔