کراچی (سٹاف رپورٹر) مسلم لیگ (ن) کے رہنما سردار ممتاز علی خان بھٹو سے ان کی رہائش گاہ پر مختلف وفود نے ملاقاتیں کیں۔ ان سے گفتگو کرتے ہوئے انہوں نے کہا کہ حالیہ بلدیاتی انتخابات میں بلوچستان بالکل صفایا ہو جانے کے بعد پیپلز پارٹی جس کا ملک کے دیگر صوبوں سے بھی صفایا ہو چکا ہے، اسکو کچھ حقیقت پسندانہ مظاہرہ کرتے ہوئے قبول کرنا چاہئے کہ گذشتہ عام انتخابات میں سندھ کے عوام نے بھی پی پی کو بالکل مسترد کر دیا تھا اور دنیا نے دیکھا تھا کہ انہوں نے صرف پولیس اور پولنگ عملے کی مدد سے دھاندلیاں کر کے الیکشن جیت کر اقتدار  سے چمٹے ہوئے ہیں جس پر بڑا سوال اٹھتا ہے کہ کیا پیپلز پارٹی والوں کے گھروں میں آئینے نہیں ہیں کیا؟ انہوں نے مزید کہا کہ پاکستان پیپلز پارٹی شہید ذوالفقار علی بھٹو نے بنائی تھی جو اس کے ساتھ ہی دفن ہو گئی۔