لاہور(سپورٹس رپورٹر) 60 ویں نیشنل بنک قومی ہاکی چیمپئن شپ کے سیمی فائنل آج کھیلے جائیں گے۔جوہر ہاکی سٹیڈیم  میں کھیلے جانے والے پہلے سیمی فائنل میچ میں دفاعی چیمپئن پی آئی اے کا مقابلہ سوئی گیس سے ہوگا جبکہ دوسرے سیمی فائنل میں واپڈا کی ٹیم نیشنل بنک کے مدمقابل ہو گی۔   پی ٹی وی نے ہائیر ایجوکیشن کمیشن کو ہرا کر نویں پوزیشن جیتی،دوسرے میچ میں نیوی نے پولیس کو شکست دیکر ساتویں پوزیشن پر قبضہ کیا جبکہ آرمی نے پورٹ قاسم کو ہرا کر پانچویں پوزیشن حاصل کر لی۔ چیمپئن شپ میں گذشتہ روز کھیلے گئے پہلے میچ میں پی ٹی وی نے  ہایئر ایجوکیشن کمیشن کی ٹیم کو 2  کے مقابلے 4  گول سے ہرایا۔ پولیس کی ٹیم کا مقابلہ نیوی سے ہوا جس میں نیوی کی ٹیم نے  کامیابی حاصل کی ۔