لاہور (آئی این پی) عالمی تقریری مقابلے میں شرکت کے لئے پاکستان کے 13 طلبا واہگہ بارڈر لاہور کے راستے بھارت روانہ ہو گئے۔ تقریری مقابلہ آج (28 دسمبر) کو شروع ہو گا۔ واہگہ باڈر پر میڈیا سے گفتگو کرتے ہوئے طلبا کا کہنا تھا یہ عالمی تقریری مقابلہ ہر سال کے آخری میں منعقد ہوتا ہے، اس سال پاکستان سمیت 84 ممالک کے طلبا اس میں شرکت کر رہے ہیں۔ طلبا کا کہنا تھا کہ انہوں نے سخت محنت کی ہے اور امید ہے کہ وہ پاکستان کا نام روشن کر کے آئیں گے۔