لاہور( این این آئی) ناہید خان گروپ کی طرف سے بینظیر بھٹو شہید کی چھٹی برسی کے موقع پر کسی بھی تقریب کا اہتمام نہ کیا گیا ، جس پر گروپ کے کارکنوں نے شدید ناراضی کا اظہار کیا۔ پیپلز پارٹی کی رہنما ناہید خان علیحدہ گروپ بنا کر اپنی جدوجہد جاری رکھے ہوئے ہیں۔ اس گروپ کی طرف سے پارٹی کے یوم تاسیس کے موقع پر تقریب کا اہتمام کیا گیا تاہم پارٹی کی شہید چیئر پرسن بینظیر بھٹو شہید کی چھٹی برسی کے موقع پر کسی بھی تقریب کا اہتمام نہ کیا گیا جس پر گروپ میں شامل کارکنوں نے قیادت سے ناراضی کا اظہارکیا ہے۔