لاہور (خبر نگار) آصف علی زرداری کے ترجمان چودھری منور انجم کے دفتر میں بینظیر بھٹو کی روح کے ایصال ثواب کیلئے قرآن خوانی کا اہتمام کیا گیا۔ اس موقع پر بیرسٹر عامر حسن‘ محمد سلیم مغل‘ تیمور خان مغل‘ سابق لارڈ میئر برطانیہ مشتاق لاشاری‘ واجد علی شاہ‘  میاں حنیف طاہر‘ رائو شجاعت‘ کے ڈی رانا‘ خالد بٹ‘ متین علی‘ مقصود ملک‘ لیاقت شاہ‘ رشید ‘ واصف علی‘ شیخ ظفر اقبال‘ شہزادی توصیف ایڈووکیٹ‘ احسن ایوب نقوی اور وحید عالمگیر سمیت پارٹی کے دیگر رہنمائوں نے شرکت کی اور بینظیر بھٹو کو خراج عقیدت پیش کرتے ہوئے کہا  کہ کسی کی غلط فہمی میں نہیں رہنا چاہئے۔ پیپلزپارٹی آج بھی وطن عزیز کی ایسی سیاسی جماعت ہے جو ایک نظریئے اور سوچ کی نمائندگی کرتی ہے۔