لاہور (سٹاف رپورٹر) پنجاب یونیورسٹی میں بی اے کی پرائیویٹ امیدوار عائشہ خالد کو اعلیٰ کارکردگی دکھانے اور خصوصی طلباء میں پہلی پوزیشن حاصل کرنے پر یونیورسٹی گولڈمیڈل سے نوازا گیا۔ عائشہ خالد نے نابینا پن کو اپنی معذوری نہیں بننے دیا بلکہ اپنی صلاحیتوں سے ثابت کیا کہ خصوصی افراد بھی کسی سے کم نہیں ہیں۔ اگر انہیں مواقع ملیں تو وہ معاشرے کے دیگر افراد کے برابر صلاحیتوں کا مظاہرہ کر سکتے ہیں۔