سوات (اے این این) سوات میں مسافر وین گہری کھائی  میں گرنے سے 6 افراد جاں بحق،8 زخمی ہوگئے۔ منگل کی شام  سوات کے علاقے مدین  میں بشی گرام سے  شنگوکی جانے والی پک اپ ڈاٹسن گہری کھائی میں جا گری جس کے نتیجے میں  ایک خاتون سمیت 6 افراد موقع پر جاں بحق اور 8زخمی ہوگئے۔ مقامی لوگوں نے اپنی مدد آپ کے تحت نعشیں اور زخمیوں کو مدین  کے مقامی ہسپتال میں منتقل کیا جہاں تین زخمیوں کی حالت تشویشناک بتائی جاتی ہے اور ہلاکتوں میں اضافے کا خدشہ ہے، جاں بحق ہونے والوں میں  زیبا، گل محمد، نیاز احمد، گل افروز  جبکہ زخمیوں میں  نذیر احمد، گل نیاز، محمد رحیم، حلیمہ، رحمت اللہ اور عابد  اللہ کی شناخت ہوچکی ہے۔ پولیس ذرائع کے مطابق حادثہ بارش اور برف باری کے باعث پیش  آیا، ڈرائیور پھسلن کے باعث گاڑی پر قابو نہ رکھ سکا۔ واقعہ مینگورہ سے پچاس کلو میٹر دور پیش آیا ہے۔