لاہور(سپورٹس رپورٹر) سابق قومی ٹیسٹ کرکٹرز سرفراز نواز‘سابق چیف سلیکٹر محمد الیاس اور ٹیسٹ کرکٹر عمران فرحت نے کہا ہے کہ سری لنکن کھلاڑیوں نے ذمہ دارانہ کھیل پیش کرتے ہوئے میچ میں اپنی ٹیم کی گرفت مضبوط کر لی ہے، دونوں ٹیموں کے درمیان جاری ٹیسٹ ڈرا کی جانب گامزن ہو گیا ہے۔پاکستانی بلے بازوں کیلئے امتحان ہوگا۔سری لنکا کی کامیابی کے چانسز زیادہ جبکہ پاکستان کیلئے میچ جیتنا مشکل ہو گیا ہے۔