شیخوپورہ (نوائے وقت رپورٹ) تحریک طالبان  پاکستان نے ڈی سی او شیخوپورہ کو شہر میں صفائی کا نظام بہتر نہ بنانے پر دھماکوں کی دھمکی دیدی۔ نجی ٹی وی کے مطابق مبینہ دھمکی آمیز خط میں الٹی میٹم دیا گیا ہے کہ ایک ماہ میں تجاوزات ختم کرکے صفائی کا نظام بہتر بنایا جائے۔ کمشنر لاہور نے خط کے  بعد ڈی سی او لاہور، شیخوپورہ، قصور اور ننکانہ کو مراسلہ بھیجا ہے جس میں کہا گیا ہے کہ موجودہ صورتحال میں سکیورٹی کیلئے باہمی رابطے بڑھائے جائیں۔