ہنگو: مدرسے میں بم دھماکہ، ایک شخص جاں بحق، مہتمم سمیت 3زخمی
ہنگو(نوائے وقت نیوز) اوکرزئی ایجنسی کے علاقے مشتی میلہ میں مدرسے میں دھماکہ ہوا۔ پولیٹیکل انتظامیہ کے مطابق دھماکہ مدرسہ صدیقیہ کے مہتمم کے کمرے میں ہوا۔ دھماکے میں ایک شخص جاں بحق جبکہ مہتمم سمیت 3افراد شدید زخمی ہوگئے۔زخمی افراد کو ہسپتال منتقل کردیا گیا۔دھماکے کے بعد علاقے میں سخت خوف و ہراس پھیل گیا، سکیورٹی فورسز نے علاقے کو گھیرے میں لے کر سرچ آپریشن شروع کردیا۔
