لاہور(سپورٹس رپورٹر) 10ویں پاکستان پریمیئر فٹبال لیگ میں مزید دو میچوں کا فیصلہ ہو گیا۔ کے ای ایس سی اور پی اے ایف کی ٹیموں نے اپنے اپنے میچز جیت لئے۔ لاہور میں جاری پریمیئر لیگ میں گذشتہ روز پہلا میچ پی اے ایف اور مسلم فٹبال کلب کے درمیان کھیلا گیا جس میں پی اے ایف نے دو صفر سے کامیابی اپنے نام کی۔ فاتح ٹیم کی جانب سے عمران مشتاق اور مجاہد نے ایک ایک گول سکور کیا۔ دوسرا میچ کے ای ایس سی اور افغان فٹبال کلب کے درمیان کھیلا گیا جس میں کے ای ایس سی نے ایک صفر سے کامیابی اپنے نام کی۔