کراچی (نوائے وقت رپورٹ) کراچی کا علاقہ لیاری پیر کی شب پھر گینگ وار گروپوں کی مورچہ بند لڑائی کے باعث میدان جنگ بنا رہا گل محمد لین، عیدولین، بہار کالونی اور گلستان کالونی میں بابا حنیف لاڈلا اور عزیز بلوچ کے حمایتی ایک دوسرے پر فائرنگ اور دستی بموں اور راکٹوں سے حملے کرتے رہے جس سے 4 افراد زخمی ہو گئے لڑائی کی وجہ سے  ان آبادیوں کے مکین گھروں میں محصور ہو کر رہ گئے اطلاع ملنے پر پولیس اور رینجرز کی جاری نفری وہاں پہنچ گئی اور علاقے کا محاصرہ کر لیا قبل ازیں کراچی شہر میں امن و امان کی صورتحال قدرے بہتر رہی اورنگی ٹائون میں چاندنی چوک کے قریب موٹرسائیکل سوار افراد نے 30 سالہ عمران کو سر میں گولی مار کر ہلاک کر دیا جبکہ عوامی کالونی کورنگی میں 45 سالہ محمد انیس خاضحیلی کو قتل کر دیا گیا۔