ملتان (این این آئی) ملتان میں فیس بک پر دوستی کر کے دو لڑکیوں کو مبینہ طور پر اغوا کرنے والے دو بھائیوں کو پولیس نے گرفتار کر لیا۔ ذرائع کے مطابق ملتان میں دو بھائیوں بلال اور جمال نے نجی کالج کی دو طالبات سے فیس بک پر دوستی کی اور اپنے ساتھیوں کے ساتھ اغوا کرنے کے بعد گزشتہ روز راولپنڈی بھیج دیا۔ لڑکیوں کے گھر سے غائب ہونے پر ان کے والدین نے تھانہ قطب پور کی پولیس سے رابطہ کیا پولیس نے موبائل فون کے ذریعے حسن پروانہ سے دونوں ملزمان کو گرفتار کر لیا دونوں مغوی لڑکیوں کو راولپنڈی کی پولیس نے بازیاب کراکے، وومن پولیس سٹیشن منتقل کر دیا ہے۔ لڑکیوں کو لینے کےلئے ملتان سے پولیس کی ٹیم روانہ ہو گئی۔
دو بھائی گرفتار