وانا: بم دھماکہ میں ایک سکیورٹی اہلکار زخمی مردان میں پولیس سٹیشن پر دستی بم سے حملہ، کوئی نقصان نہیں ہوا
وانا: بم دھماکہ میں ایک سکیورٹی اہلکار زخمی مردان میں پولیس سٹیشن پر دستی بم سے حملہ، کوئی نقصان نہیں ہوا
وانا/مردان (آئی این پی) جنوبی وزیرستان سب ڈویژن وانا میں ریموٹ کنٹرول بم دھماکہ میں ایک اہلکار شدید زخمی ہو گیا۔ ذرائع کے مطابق گذشتہ روز وانا بائی پاس روڈ پر اہلکار سکیورٹی پر مامور تھے کہ اسی دوران دھماکہ ہو گیا۔ زخمی اہلکار کو ہسپتال داخل کرا دیا گیا ہے۔ علاوہ ازیں پولیس سٹیشن ہوتی پر نامعلوم شرپسندوں نے دستی بم سے حملہ کیا تاہم کوئی جانی نقصان نہیں ہوا۔ حملہ آور فرار ہونے میں کامیاب ہو گئے۔ جمعرات کو نامعلوم شرپسندوں نے موٹرسائیکل کے ذریعے ہوتی پولیس سٹیشن پر دستی بم سے حملہ کیا۔ پولیس کے مطابق دستی بم دو تھے، ایک بم کو پولیس نے ناکارہ بنا دیا۔
ریموٹ کنٹرول دھماکہ
