لاہور (این این آئی) معروف گلوکار راحت فتح علی ٹریفک حادثے میں زخمی ہو گئے ، ابتدائی طبی امداد کے بعد گھر منتقل ہو گئے۔گلوکارراحت فتح علی خان بیدیاں میں واقع اپنے فارم ہائوس سے واپس آ رہے تھے کہ ان کی گاڑی سامنے سے آنے والی ایک گاڑی سے ٹکرا گئی، حادثے کے دوران گاڑی کے شیشے ٹوٹنے سے راحت فتح علی خان زخمی ہوگئے، انہیں  طبی امداد کے لیے ہسپتال منتقل کردیا گیا جہاں ڈاکٹرز کے مطابق ان کی حالت بہتر ہے اوران کے زخم معمولی نوعیت کے ہیں، حادثے میں ان کے ڈرائیورکو بھی معمولی زخم آئے۔