اعتزاز حسن کی قبر پر آج آرمی چیف کی طرف سے پھول چڑھائے جائینگے، ملالہ کا ورثا کیلئے 5 لاکھ روپے دینے کا اعلان
ہنگو (نوائے وقت رپورٹ) ہنگو میں خودکش حملہ آور کو روک کر سکول میں تخریب کاری کی کوشش ناکام بنانے والے بہادر اور دلیر طالب علم اعتزاز حسن کی قبر پر آج آرمی چیف راحیل شریف کی جانب سے پھول چڑھائے جائیں گے۔ تقریب کا انعقاد صبح 11 بجے ہوگا جس میں سکیورٹی فورسز کے افسر شرکت کریں گے۔ دریں اثناء ملالہ یوسف زئی نے اعتزاز حسن کے اہل خانہ سے فون پر رابطہ کر کے ان سے تعزیت کی اور ورثاء کیلئے 5 لاکھ روپے کی امداد کا اعلان کیا۔
