لاہور (پ ر) آئی جی موٹر ویز اینڈ ہائی ویز ذوالفقار احمد چیمہ بھارت کے دورہ سے وطن واپس پہنچ گئے ہیں۔ دورے کے دوران انہوں نے بھارت کے پولیس حکام اور ٹریفک مینجمنٹ کے ماہرین سے ملاقاتیں کیں اور جرائم کی روک تھام اور ٹریفک سسٹم کو جدید خطوط پر استوار کرنے کے حوالے سے بھارت میں کئے گئے اقدامات پر تبادلہ خیال کیا۔ اس موقع پر بھارتی پولیس حکام نے تسلیم کیا کہ پاکستان کی نیشنل ہائی ویز اور موٹر وے پولیس کا معیار بھارت سے بہتر ہے۔