لندن (اے پی پی)  برطانوی دارلحکومت لندن کے ایک شمشان گھاٹ سے عالمی شہرت یافتہ نفسیات دان سگمنڈ فرائڈ کی راکھ چوری کرنے کی کوشش ناکام ہو گئی۔ پولیس نے نامعلوم چوروں کی تلاش شروع کر دی۔میٹروپولیٹن پولیس نے امریکی خبر رساں ادارے کو بتایا کہ 31 دسمبر اور یکم جنوری کی شب  گو لڈرز گرین شمشان گھاٹ میں نقب زنوں نے نقب لگاکر معروف نفسیات دان سگمنڈ فرائڈ اور انکی اہلیہ مارتھا کی راکھ چوری کرنے کی کوشش کی ، جو 2300سالہ قدیم یونانی مرتبان میں رکھی گئی تھی لیکن مرتبان کو بری طرح نقصان پہنچا کر چور فرار ہو گئے۔