سلام آباد(شوبز ڈیسک )معروف ڈرامہ نگار انور مقصود کا ڈرامہ ہاف پلیٹ پی این سی اے کے تھیٹر میں پیش کیاگیا،، انور مقصود کہتے ہیں فنکار کا اصل معاوضہ عوام کی پذیرائی ہے جو اسے کبھی مرنے نہیں دیتی۔ نیشنل کونسل آف آرٹس پی این سی اے کے تعاون سے انور مقصود کا کامیڈی ڈارمہ ہاف پلیٹ تھیٹر میں پیش کیا گیا۔ اس موقع پر منعقدہ تقریب سے خطاب میں انور مقصود نے کہا کہ ایک رائٹر کیلئے عوام کی پذیرائی گولڈ میڈل سے بھی بڑھ کر ہوتی ہے اور یہی اس کی ساری تخلیق کا ثمر ہوتا ہے جو اسے مدتوں زندہ رکھتا ہے۔ فن کے قدر دان ہی فنکار کی حیات ہوتے ہیں۔ اس ڈرامہ کو عوام نے بہت پسند کیا جو ان کے لیئے کسی اعزاز سے کم نہیں۔ ڈرامہ دیکھنے کے لیے پی این سی اے میں بڑی تعداد میں لوگوں نے شرکت کی اور ڈرامے سے خوب لطف اندوز ہوئے۔ اس موقع پر لوگوں نے کہا کہ انوار مقصود کے ہر ڈرامہ میں مذاح کے ساتھ ساتھ ایک سبق بھی ہوتا ہے۔ ڈرامہ نگار انور مقصود کا ڈرامہ ہاف پلیٹ پی این سی اے میں پندرہ روز تک جاری رہے گا۔