چمن: نوجوان کی نعش، اسلحہ اور دھماکہ خیز مواد برآمد، سبی میں نامعلوم افراد کا ایک چیک پوسٹ پر راکٹوں سے حملہ
چمن، سبی (آئی این پی) چمن میں لیویز کے اہلکاروں نے گولیوں سے چھلنی ایک نوجوان کی نعش برآمد کرلی۔ نوجوان کی ہاتھ پاﺅں بندھی نعش ایک روڈ پر پھینکی گئی تھی۔ دریں اثنا سکیورٹی فورسز نے چمن کے علاقے قمر دین میں ایک مکان پر چھاپہ مارا چھاپے کے دوران دو خودکش جیکٹس‘ دس کلاشنکوف‘ تین دستی بم‘ ہزاروں کارتوس سمیت بھاری مقدار میں بارودی مواد برامد کیا۔ مچھ کے قریب کنڈلانی پل کے مقام پر قائم سکیورٹی فورسز کی چیک پوسٹ پر نامعلوم مسلح افراد نے قریبی پہاڑوں سے تین سے زائد راکٹوں سے حملہ کردیا۔
