پرتھ (اے پی پی) آسٹریلیا اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا چوتھا میچ آج کھیلا جائے گا۔ککرکٹ ایسوسی ایشن گرائونڈ، پرتھ میں کھیلا جائیگا۔ اس سے قبل آسٹریلیا نے انگلینڈ کو پہلے ون ڈے کرکٹ میچ میں 6 وکٹوں، دوسرے 17 جنوری کو برسبین میں کھیلے جانے والے میچ میں 1 وکٹ اور تسیرے 19 جنوری کو سڈنی میں کھیلے جانے والے میچ میں 7 وکٹوں سے کامیابی حاصل کر کے پانچ میچوں کی سیریز 3-0 سے اپنے نام کر رکھی ہے۔ میزبان کینگروز ٹیم کا مجموعی طور پر 125 باہمی ون ڈے میچوں میں 72 فتوحات کے ساتھ پلڑا بھاری ہے، انگلش ٹیم 48 میچوں میں فتح یاب رہی۔ اس سے قبل کھیلی گئی ایشز سیریز میں آسٹریلوی ٹیم نے انگلینڈ کے خلاف کلین سویپ فتح حاصل کی تھی۔ ایشز سیریز کے بعد ون ڈے کرکٹ سیریز میں 3-0 کی تاریخی فتح کے بعد آسٹریلوی ٹیم کا مورال بلند ہے اور وہ انگلش ٹیم کو ون ڈے سیریز میں بھی وائٹ واش کرنے کی خواہاں ہے اس سلسلے میں کینگروز نے ون ڈے سیریز بھی 3-0 سے جیت کر  اس مقصد کی بنیاد رکھ دی ہے۔ دونوں ٹیموں کے درمیان پانچ میچوں کی سیریز کا پانچواں اور آخری میچ 26 جنوری کو کھیلا جائے گا۔ اس کے بعد دونوں ٹیموں کے درمیان تین ٹی 20 میچوں کی سیریز کھیلی جائے گی۔