ممبئی(سپورٹس ڈیسک )بھارتی کرکٹ بورڈ نے اپنی اجارہ داری کیلئے ٹرائیکا مسودے کی عدم منظوری پرآئی سی سی ایونٹس کے بائیکاٹ کی دھمکی دے دی۔ بھارتی کرکٹ بورڈ نے انٹرنیشنل کرکٹ کونسل کوخط کے ذریعے مطلع کیا ہے کہ اگرمجوزہ ورکنگ گروپ پوزیشن کی تجویز کو مسترد کیا گیا تو وہ آئندہ آئی سی سی ایونٹ میں شرکت نہیں کرینگے۔ دبئی میں28 جنوری کو آئی سی سی کے دوروزہ اجلاس میں ایسا مسودہ پیش ہونے جا رہا ہے جس کی منظوری کے بعد آئی سی سی پربھارت، انگلینڈ اورآسٹریلیا کو اہم معاملات میں ترجیح حاصل ہوگی۔