واشنگٹن (این این آئی) امریکی سفیر رچرڈ اولسن نے کہاہے کہ خیبرپی کے میں نیٹو سپلائی روٹ کی بندش سے اصل نقصان پاکستانیوں کا ہورہا ہے، آئندہ ہفتے کے پاکستان امریکہ سٹریٹجک مذاکرات میں ڈاکٹر شکیل آفریدی کے ایشو پر بھی بات ہوگی۔ ایک انٹرویو میں امریکی سفیر نے کہاکہ سٹریٹجک مذاکرات کے فوری بعد تجارت اور سرمایہ کاری بڑھانے کیلئے پاک امریکہ وزراء تجارت کی بات چیت بھی ہوگی۔ نیٹو سپلائی روکنے سے اصل نقصان تو ٹرک والوں اور بزنس مین کا ہورہا ہے، ہمارے پاس تو فضائی روٹ، وسطی ایشیاء کے متبادل روٹ موجود ہیں۔