کراچی (کراچی رپورٹر) کراچی میں لسبیلہ کے علاقے میں پولیس موبائل پر دستی بم کے حملے میں دو پولیس اہلکار اور ایک عورت زخمی ہو گئی جبکہ پیر آباد تھانے پر بم کا حملہ ناکام ہوگیا۔ تفصیلات کے مطابق لسبیلہ میں موٹر سائیکل سوار افراد نے جمعرات کی دوپہر پولیس موبائل پر دستی بم پھینکا جس کے دھماکے سے ہیڈ کانسٹیبل35  سالہ نواب علی اور کانسٹیبل29  سالہ رفیق اللہ اور قریب سے گزرنے والی 50 سالہ عطیہ شاہد زخمی ہو گئی۔ ادھر پیر آباد تھانے پر بھی بم کا حملہ کیا گیا تاہم پل کے اوپر سے تھانے میں پھینکا جانے والا بم پھٹ نہیں سکا اور بعد میں بم ڈسپوزل سکواڈ کی مدد سے اسے ناکارہ بنا دیا گیا۔