اوکاڑہ: شادی کی تقریب میں ہوائی فائرنگ، گولی لگنے سے دلہن کا عزیز جاں بحق
اوکاڑہ (نامہ نگار) تھانہ صدر کے علاقہ فیصل ٹائون میں شادی کی تقریب کے دوران دولہا کے دوستوں کی فائرنگ سے دلہن کا قریبی عزیز گولی لگنے سے زندگی کی بازی ہار گیا جس کے باعث شادی کا گھر خوشیوں سے ماتم میں تبدیل ہو گیا۔ علاقہ فیصل ٹائون میں اسحاق نامی شخص کی بیٹی کی شادی نواحی قصبہ کوہلہ کے رہائشی عمران نامی نوجوان سے ہو رہی تھی جس کی بارات گذشتہ روز فیصل ٹائون پہنچی تو دولہا کے دوستوں نے شادی کی تقریب میں اندھا دھند ہوائی فائرنگ شروع کر دی۔
