واشنگٹن(آن لائن)امریکی وزیردفاع چک ہیگل نے پورے جوہری نظام پرمامور فورس کی اعلیٰ سطح پر نگرانی کا حکم دے دیا۔گزشتہ دنوں امریکی فضائیہ کے 34 میزائل لانچ افسران کی جانب سے امتحان میں نقل کرنے اور اس کے علاوہ دیگر کے منشیات استعمال کرنے کی شکایات ملی تھیں۔امریکی محکمہ دفاع کے حکام کے مطابق چک ہیگل نے پنٹاگون میں سینئر فوجی حکام سے ملاقات کے بعد پوری جوہری فورس پر نظرثانی کا حکم دے دیا ہے۔ اس دوران اٹھائے گئے ناروا اقدامات، قیادت کی خامیوں اور فورس کے ارکان کے مسائل کا جائزہ لیا گیا۔پنٹاگون حکام کے مطابق اس امر کا جائزہ لیا جائے گیا کہ ان بد نظمیوں کے باعث ملک کے جوہری پروگرام کے سکیورٹی کو خطرہ تو نہیں۔