قصور (نامہ نگار) محمود پورہ اور کوٹ لطیف پورہ کے کونسلر زبیر احمد عرف جھارا اور تاجر محمد عاصم برادران کے بہنوئی حامد سمیت 5افرادسعودی عرب مکہ مکرمہ سے20 کلومیٹر کے فاصلے پر ٹریفک کے ایک حادثہ میں جاں بحق ہوگئے۔ لواحقین کو المناک خبر ملنے پر غشی کے دورے پڑتے رہے۔ سابق کونسلر زبیر احمد کے بہنوئی حامد اور اسکے چار دوست جو عمرہ کی سعادت حاصل کرنے کیلئے احرام باندھے ہوئے جب مکہ مکرمہ سے 20 کلومیٹر دور پہنچے تو ٹریفک کے حادثہ میں موقع پر ہی جاں بحق ہوگئے۔ نعشوں کو قصور لایا جا رہا ہے اور انہیں انکے آبائی قبرستانوں میں سپرد خاک کیا جائیگا۔ سیاسی، سماجی، کاروباری، دینی رہنمائوں، وکلاء اور صحافیوں نے حادثہ میں جاں بحق ہونیوالوں کے لواحقین سے اظہار تعزیت کرتے ہوئے مرحومین کی مغفرت اور لواحقین کیلئے صبر جمیل کی دعا کی ہے۔