اسلام آباد (ثناء نیوز) اسلام آباد پولیس نے افغان بستیوں، سیکٹر آئی ٹین اور آئی الیون سمیت سادات کالونی، پنڈ پراچہ، برما ٹائون اور گردو نواح کے علاقوں میں سرچ آپریشن کے دوران 102 مشتبہ افراد کو حراست میں لیکر تحقیقات شروع کردیں۔ ملزمان کے قبضہ سے شاہ زور گاڑی، کار، 25 بوتلیں شراب، منشیات اور دو پسٹل و دیگر اشیاء برآمد ہوئی ہے جبکہ پولیس نے دو قحبہ خانوں پر چھاپوں کے دوران تین عورتوں سمیت 10 ملزمان کو گرفتار کر کے ان کیخلاف مقدمات درج کرلئے۔