ریلوے کی سالانہ کھیلیں‘ وفاقی وزیر خواجہ سعد رفیق نے انعامات تقسیم کئے
لاہور (سٹاف رپورٹر) پاکستان ریلوے کی سالانہ کھیلوں کا انعقاد گڑھی شاہو ریلوے سٹیڈیم میں ہوا۔ جس میں وفاقی وزیر ریلوے خواجہ سعد رفیق مہمان خصوصی تھے۔ جنرل مینجر آپریشن، آئی جی ریلوے پولیس، ڈی آئی جی ریلوے پولیس اور دیگر افسران ریلوے کے ساتھ بڑی تعداد میں ملازمان نے شرکت کی۔ سٹیڈیم کی سکیورٹی کیلئے آئی جی ریلوے پولیس کی ہدایت پر فول پروف انتظام کئے گئے تھے۔ ایس ایس پی ریلوے لاہور نے سکیورٹی انتظامات کی خود نگرانی کی۔ آخر میں وفاقی وزیر نے آئی جی ریلوے پولیس کو یادگاری شیلڈ بھی پیش کی۔
