میرپور(این این آئی)بنگلہ دیش اور سری لنکا کی کرکٹ ٹیموں کے درمیان دو ٹیسٹ میچز پر مشتمل سیریز کا پہلا میچ  آج  سے  شروع ہوگا۔ بنگلہ دیش کی ٹیم مشفق الرحیم کی قیادت میں میدان میں اترے گی جبکہ سری لنکا کی کپتانی کے فرائض اینجلو میتھیوز انجام دیں گے۔   بنگلہ دیش کی ٹیم نے سری لنکا سے ابھی تک کوئی ٹیسٹ میچ نہیں جیتا، 2001 سے اب تک دونوں ٹیموں کے مابین 14 ٹیسٹ میچ کھیلے جاچکے ہیں جس میں سے سری لنکا نے 13 میں کامیابی حاصل کی جبکہ ایک ٹیسٹ ڈرا ہوا۔ سیریز کا دوسرا اور آخری ٹیسٹ 4 سے 8 فروری تک  کھیلا جائے گا۔