مرید کے (نامہ نگار) جوان بھائی کی موت کا سن کر بہن بھی چل بسی۔ دونوں کے ایک ساتھ جنازے اٹھنے سے ہر آنکھ اشکبار ہو گئی اور پورے علاقے میں کہرام مچ گیا۔ محلہ جناح پارک مرید کے کا رہائشی 35 سالہ ندیم عرف کاکا شیخ فروٹ کا کاروبار کرتا تھا گذشتہ روز وفات پا گیا۔ متوفی کے  5 بچے ہیں۔ اس کی وفات کی اطلاع 26 سالہ بہن جو 2 بچوں کی ماں تھی کو لاہور میں دی گئی۔ وہ مرید کے آئی اور بھائی کی میت دیکھتے ہی بے ہوش ہو کر موت کے منہ میں چلی گئی۔